Thursday, July 28, 2016

අළුත්ම තොරතුරු විචාර රසවින්දන සමග එන විවිධාංග බ්ලොග් එකක් " සරදියෙල් "

ඇහෙනවද ඒ සිනා සද්දේ...






සරදියෙල්ගේ මවට සොයුරන් සදෙනෙකි.එනම් සරදියෙල්ට මාමාවරුන් සයකි.පණ්ඩුකාභයට වඩා සරදියෙල්ට අඩු වන්නේ එක මාමෙකි.මොවුන් අතරින් සුවිශේෂී චරිතයකි බෙන්තර අඩවියේ වෙසෙන සුද්ද මාමා.තම මාමලා අතරින් තම නිවසේම වෙසෙනා මාමා හැර හිත හොඳම එකා ලෙස සරදියෙල් සලකන්නේද ඔහුවය.එසේම පොඩ්ඩ ඇත්නම් කේන්ති යන චරිතයකි මොහු.මේ සරදියෙල්ගේ මාමලා ගැන කතා කරන ලිපියක් නොවන නිසා 'මාමා වරුණ' මෙතනින් නිමියේය. දැන් මාතෘකාවට!
මේ කියන සුද්ද මාමාගේ බිරිඳ මැණිකෙ නැන්දාය.ඈ නං සුද්ද මාමාටත් වඩා හොඳය.සුද්ද මාමා අමනාප වුවද එය සමනය කරන්නට මැදිහත් වන්නීද ඇයය. මේ ඔහු සරදියෙල්ලා හා අමනාප වූ එක්තරා කාලයකි.හේතුව හරියටම මතක නැතත් සරදියෙල්ගේ පියාගේ මළගම දා සිදුවූ යම් නොපැහැදීමක් යැයි සිතමි.ඒ මළගෙදරින් පසු මාස හත අටක් යන තුරු ඔවුහූ සරදියෙල්ගේ පවුල හා ප්‍රිය මිතුරු සබඳකම් නොපැවැත්වූහ.ඒ  ගැන මැණිකෙ නැන්දා නම් බලවත් සිත් තැවුලට පත්ව සිටි බව සරදියෙල් දනී.
කාලයකට පසුව දවසක මැණිකෙ නැන්දාව රෝහල්ගත කළා යැයි ආරංචියක් ආවේය. ඒ ඔවුන්ගේ අහල පහලම බෙන්තර රෝහලට බැවින් සරදියෙල්ලා එතරම් කලබල වූයේ නැත. එහෙත් පසුව ආරංචිය ආවේ ඇයව නාගොඩ රෝහලට ඇතුලත් කල බවයි. මැණිකෙ නැන්දාව තම සොයුරියක් ලෙස සැලකූ සරදියෙල්ගේ මව බෙහෙවින් කලබල විය.ඒ ක්ෂණයෙන් පැමිණි පුවත වන්නේ ඈ මහරගම පිළිකා (දැන් අපේක්ෂා) රෝහලට රැගෙන ගිය බවයි.

සැනින් එක්කාසු වූ සරදියෙල්ගේ  නෑයන් රොත්ත ඈ බැලීමට ගියහ. ඔවුන් ඒ ගමන ගියේ මහ වැස්සක බව සරදියෙල්ට මතකය.සරදියෙල්ගේ අම්මා ගෙදර ආවේ කඳුළු පිරුණු දෙනෙතිනි." මැණිකෙට අමාරුයි පුතේ" අම්මා කීවාය.ඈ ඒ අසනීප මැද්දේද අම්මට කියා තිබුණේ තමාට යමක් සිදු වුවහොත් තම දරුවන් ටික බලා ගන්නා ලෙසය. අම්මලාගේ හැටි!

..........................................


පිවිසුම
https://uthuwankandesaradiyel.blogspot.com/

Monday, July 25, 2016

සාහිත්‍ය කලා රසවින්දනය සමග කලා විචාර ගෙනෙන අළුත්ම බ්ලොග් එකක් " සිත්ගත් සාහිත්‍ය කලාකෘති "

මාතර යුගයේ කවි රස.


මාතර සාහිත්‍ය අවධිය ලෙස වියතුන් විසින් සලකනු ලබන්නේ ශතවර්ෂයක පමණ කාලයකි.   එම කාලසීමාව සාමාන්‍යයෙන් ක්‍රි.ව. 1750 සිට ක්‍රි. ව. 1850 දක්වාවූ අවධියට ගැනේ.   සිංහල ගද්‍යයට වඩා පද්‍යය ඉස්මතුවී ආ මෙම කාලයේ පද්‍යය විවිධ පරමාර්ථ ඔස්සේ ගමන්කළ බව පෙනීයයි.   

නිඝණ්ඩුකරණය සඳහා පද්‍යය උපයෝගී කොට ගෙන ඇත්තේ කෝට්ටේ අවධියේ කවියන් විසිනි.    කලාකාරියක් සඳහාම නොව කලාවෙන් උත්තම කාව්‍යයෙන් පරිබාහිරවූ වෙනත් අවශ්‍යතා ඉටුකොට ගැන්මට ද සිංහලයාට කවිය පිහිටවී ඇතිබව මෙයින් මනාව පැහැදිලි වෙයි.

සිංහල කවියේ විෂයක්ෂේත්‍රය වෙනත් සමාජ අවශ්‍යතා වෙනුවෙන් පෙනී සිටීම මල්පල ගැනුණේ මාතර කවිය තුළිනි.   හුදකලා නිර්මාණ කාරියක් කිරීමේ පරමාර්ථයෙන් තොරව බණකීම,  නිඝණ්ඩුකරණය,  පණිවිඩ යැවීම,  එදිනෙදා තොරතුරු දැන්වීම,  ඖෂධයක් හෝ ව්‍යාකරණ සුත්‍රයක් හෝ සිහි තබා ගැනීමේ පහසුව ඇතිකර ගැනීම යනාදී දේ සඳහා කවිය උපයෝගී කරගන්නා විට, එහි විෂයක්ෂේත්‍රය පළල් වෙයි.   එය පොදු ජනයාට වඩාත් ලං වෙයි.  බස සරල වෙයි.   ඒ අතරම කවියේ කලාත්මක අගයද පිරිහෙයි.
...................................................
 

Thursday, July 21, 2016

තවත් අළුත් සාහිත්‍යමය රසවින්දනාත්මක බ්ලොග් පිටුවක් " අළුත උපන් කවි "

සසල ඇසල

ඇසල අහසේ සසලව
මතක අඳුරක් සැරිසරයි
සස ලපය ලෙස බරැති කඳුළක
කැළල සඳ වත මත දිළෙයි

ස්වරය වරදක් වූ‍ නිසාව‍ෙන 
පියාපත් සිඳ ඝාතනය කළ 
කුරුල්ලකුගේ මෘත දේහය
තවම මාවත අස තිබෙයි

මිතුරු බිතු සිතුවම් මත
වසුරු ගා  වනසා දැමූ 
නීච අත් රහසේම
මතකයන් වමාරා කයි

පුස්තක ස‍ොහොනක
පණ පිටින් අකුරු ද‍ැවෙනා
රුදුරු රූපය
නෙත් ඉදිරිපිට මැවෙයි
මිනිස් ප්‍රඥාලෝකයන්
කළු ඇසල කුහරයක සැඟව යෙයි

සිර කරන්නට නොහැකි කවියක
යප‍ොලු පිටුපස රැඳුනු සිතිවිලි
නිරන්තරවම නඟන නාදය
සුළඟ තුළ දැවටී හමයි

ඒ සුළං වැද සලිත
නාඳුනන මලක පෙති මත
රුහිරු බිඳුවක් 
තවම දිදුළනු පෙනෙයි

 ප්‍රභාත් චින්තක මීගොඩගේ
..........................................

පිවිසුම
http://aluthaupankavi.blogspot.com/ 
 

Wednesday, July 20, 2016

කවි සිතුවිලි සමග කලා සාහිත්‍ය රසවින්දනාත්මක බ්ලොග් පිටුවක් " සිත් විනිවිද "

මං ආසා ගී - මේ... හිත තනියෙන්

මේ... හිත තනියෙන්  නුඹ එනකන්  හිටිය තරම් නෑ.... මං දන්නා  වෙන කවුරුත්  නුඹව තරම් ආදරයෙන්  එදා ඉඳන්......
කඳුලක් ළඟ නැවතුන ඇහිපිය දුරකට යවමින්  හුස්මත් මට අමතක කරවන මතකය හොයමින් ආයේ... හීනේ මැද්දෙන්  ජීවිතේ අලුතෙන් ලියන තරම්
වරුවක් ළඟ මුමුණන ඔය හිත මගෙමද හිතමින්  තනියක් නැති දවසක් එනකල් තව මග බලමින් ආයේ... හීනේ මැද්දෙන් ආදරේ අඳුනා තියෙන තරම්
මේ... හිත තනියෙන්  නුඹ එනකන්  හිටිය තරම්...

රචිතා වාකිෂ්ඨගේ පදරචනයට,  තිළිණ රුහුණගේ සංගීතය මුසුකොට ආත්මා ලියනගේ ගායනා කරන මේ.. හිත තනියෙන් ගීතය තනි වූ ආදරයක අත්දැකීම් කියයි..
ගීතය මෙතැනින්
.......................................
 
පිවිසුම
http://sithvinivida.blogspot.com/ 

Tuesday, July 19, 2016

කාලීන තොරතුරු දැනුම සමග තවත් අළුත් විවිධාංග බ්ලොග් එකක් " සේයා "

ගොවිපලේ සේයා සටහන්


සෑහෙන දිගු නිහැඩියාවකට පස්සේ බ්ලොග් එක පැත්තට ගොඩ වුනා. කෙටි සටහනක් එක්ක මේ පළවෙන්නේ මගේ වර්තමාන රැකියා ස්ථානයේ පරිසරයේදී සටහන් කර ගත්ත සේයා කිහිපයක්.


















 

.........................................................

පිවිසුම
http://pinthorawick.blogspot.com/

Saturday, July 16, 2016

තවත් කාලීන සිදුවීම් විචාර හා තොරතුරු රැගත් විවිධාංග බ්ලොග් එකක් " හෙට එච්චර කළුවර නෑ..! "

බූට් කෑමේ නිවැරදි ක්‍රමය

කෙල්ලෙක් කොල්ලෙක්ට බූට් එකක් තිබ්බොත් හෙවත් ආදර සබඳතාවයකට නැවතීමේ තිත තිබ්බොත් ගොඩක් අය ඒක සලකන්නෙ මහා සහගහන අපරාධයක් විදියට.

කොල්ලෙක් කෙල්ලෙක්ට බූට් එකක් තිබ්බත් එහෙමයි.
කට්ට කාලා කාලා අමාරුවෙන් යාලු කරගෙන, ගෙදර ඈයන්ගෙන් ගේම ඉල්ල ඉල්ල අමාරුවෙන් කරගෙන ගිහින්, අතේ තියෙන තුට්ටු දෙක හිඳෙනකන්ම වියදන් කරල, හීන දාහක් තියන් කරපු ප්‍රේමවන්තයා/ප්‍රේමවන්තිය එකපාරම බූට් එක තිබ්බොත් එහෙම දේකට කොහොමද මූණ දෙන්නෙ?
ගොඩක් අය වරද්දගන්න තැනක් තමා මේක. මගේ දැනීමේ හැටියට ගොඩක් අය බූට් එක කන්නේ මෙහෙමයි..
අපේ කොල්ලො (හැමෝම නෙමේ) කරන්නේ මුලින්ම කෙල්ලව ශේප් කරගෙන ආයෙ යාලු කරගන්න උත්සාහ කරන එක. අන්තිමට ඕක කෙල්ලට වාතයක් වෙන තත්වයටම පත්වෙනවා. කොටින්ම කියනවා නම් කෙල්ල පස්සෙන් බල්ලෙක් වගේ නැට්ට වන වන වැඳ වැඳ යන තත්වයටම පත්වෙනවා. ඒකත් හරි ගියේ නැති වුනාම ඕකෙ ඊලඟ ලෙවල් එක තමා ගේම ඉල්ලීමේ ලෙවල් එක. මරාගෙන මැරෙන්න සූදානම් වෙන පලිගැනීමේ ලෙවල් එක. යාලුවෝ දමා තමා එක දවසක් හරි ආදරේ කරපු ඒ කෙල්ලව චාටර් කරන ලෙවල් එක. මඩ ගහන, නම කැත කරන, තමාගේ සහ ඇගේ ලිංගික ජීවිතය ගැන අනිත් අයට කිය කිය, ඇගේ අලුත් පෙම්වතාගේ ජීවිතයට තර්ජනය කර කර, වෙඩින් ගන්න දෙන්නේ නෑ කියල තර්ජනය කරන ලෙවල් එක. ෆොටෝ තියෙනව නම් ඒව දාල කෙල්ලගේ නමින් ෆේක් අකවුන්ට් එකක් හදල ඒකෙන් මෝඩ චූන් ගන්න ලෙවල් එක. ෆේස් බුක් එකේ බූට් ස්ටේට්ස්, බූට් ෆොටෝස් දමමින් අන් අයගේ අනුකම්පාව සහ අවධානය හිඟාකන ලෙවල් එක…
...........................................................

පිවිසුම
https://asammathasatahan.wordpress.com/ 

Thursday, July 14, 2016

කොළඹ ඉතිහාසය සමග තවත් තොරතුරු ගෙනෙන අළුත් බ්ලොග් එකක් " කොලොම්පුරේ "

කොළොම්පුරේ නගර සභාව 

කොළාම්පුරේ නගර සභාව කියන්නේ ලංකාවේ වසර 150 ක ඉතිහාසයක් තියෙන පැරණිතම හා ප‍්‍රමුඛතම පලාත්පාලන ආයතනය කියලා ඔයාලා දන්නවාද? ඔන්න මම කොළොම්පුර සවාරියෙන් යන්න හදන්නේ කොළඹ නගර සභාව දිහාවටයි. එකතුවෙන්න මාත් එක්ක නගර සභාවේ අතීතයට ගොඩවැදිලා එන්න. 

 බි‍්‍රතාන්‍ය අධිරාජ්‍යයේ පාළනයට යටත්වෙලා තිබුන අපේ රටේ ඇතිවෙච්චි කැරලි හා විරෝධතා නිසා යම් තරමකට හරි ස්වයං පාලන ක‍්‍රමයක් ලබාදෙන්නට බි‍්‍රතාන්‍යයන්ට අවශ්‍යවෙලා තිබුණා. එ් නිසා කොළඹට නගර සභාවක් ලබා දෙන්න  ඕනේ කියලා බි‍්‍රතාන්‍ය පාර්ලිමෙන්තුවේදි ඔවුන් යොජනාවක් සම්මත කරගත්තා. එ් 1850 වර්ෂයේදි. වර්ෂ 1865  නොවැම්බර්  25 දින ප‍්‍රසිද්ධ කරපු නිවේදනයක් මගින් කොළඹ නගර සභාව පිහිටුවනු ලැබුවා. නගර සභාවේ මුල්ම නාගරික සිමාවන් විදිහට කොල්ලූපිටිය, කොම්පඤ්ඤ වීදිය, කොළඹ කොටුව, ශාන්ත සෙබස්තියන්, පිටකොටුව, ශාන්ත පාවුලූ පෙදෙස, කොටහේන, නිව් බසාර් සහ මරදාන තමයි අයත්වූනේ.
නාගරික මන්ත‍්‍රිවරුන් ලෙසන් ඉදිරිපත්විමට සුදුසුකම් ඇති පුද්ගලයින් පිළිබඳ ලේඛනයක් සකස් කරන්නට 1865 දෙසැම්බර් 08 දින කොළඹ කච්චේරියේ විශේෂ රැස්විමක්ද පැවැත්වූවා. මේ රැස්විමට සහභාගිවූවන් ගේ කමිටුව විසින්  පිළියෙල කරගත් ලැයිස්තුව දවස් 14ක් පුරා කොළඹ කච්චේරියේ ප‍්‍රසිද්ධ කෙරුවා. ඊට පස්සේ නාගරික මන්ත‍්‍රීවරුන් තොරාගැනිම සඳහා රැස්විම ඉදිරියේදි පැවැත්වෙන බව පත්තරවලත් ගැසට් එකෙත් පලකෙරුවා. 
......................................................

පිවිසුම
https://kolompure.blogspot.com/ 

 

 

Wednesday, July 13, 2016

ලංකාවේ දුම් රිය ගැන තොරතුරු රැගත් බ්ලොග් පිටුවක් " අපේ කෝච්චිය "

ශ්‍රී ලංකාවේ දුම්රිය බිංගෙවල්


Dr David Hyatt මහතාගේ Railways of Sri Lanka පොතෙන් උපුටාගෙන මෙට්‍රික් ක්‍රමයට පරිවර්තනය කරන ලදී.

අංකය කොළඹ සිට දුර (කිලෝමීටර) දිග (මීටර)
1 52.40 177.09
1A 52.40 121.92
2 86.98 89.31
3 87.37 26.21
4 87.87 120.09
5 91.57 219.76
5A 94.35 415.75
6 97.30 31.70
7 97.47 40.54
8 99.42 74.07
9 101.13 319.74
9A 102.21 189.59
10 102.86 17.68
11 103.42 25.91
12 150.63 132.28
13 150.88 98.45
14 175.28 559.31
15 185.92 205.74
16 190.65 112.17
17 202.84 85.95
18 225.89 321.26
19 226.45 38.10
20 227.46 263.35
21 229.47 83.52
22 231.48 130.45
23 231.93 136.25
24 232.21 67.06
25 233.82 79.86
26 234.02 20.73
27 234.10 60.05
28 234.32 103.63
29 234.50 188.06
30 234.74 60.35
31 234.90 150.27
32 235.27 85.95
33 235.87 51.82
34 236.39 131.06
35 236.59 90.22
36 240.31 64.62
37 251.76 19.51
38 254.52 94.18
39 260.23 73.46
40 272.96 90.53
41 274.25 94.49
42 277.77 126.19
43 290.51 65.84
වෙරළබඩ මාර්ගය 117.28 58.22
මාතලේ මාර්ගය 121.12 51.21

............................................

පිවිසුම
http://railwaysl.blogspot.com/

Tuesday, July 12, 2016

තවත් අළුත් තොරතුරු කාලීන සිදුවීම් ඇතුළු විවිධාංග බ්ලොග් එකක් " කුරහන් හේන "

සුන්දර සහ අසුන්දර මතක

ගැමි දරැවෙකු විඳිනා සුන්දර සහ අසුන්දර අත්දැකීම් සමුදායක් මගේ ළමා කාලය තුළ විඳීමට මට හැකියාව ලැබුනි. දැන්  කුරහන් හේන නමින් බ්ලොග් එකක් කලද මා හට විඳගැනීමට නොහැකි වූයේ හේන් ගොවිතැන පිළිබඳ අත්දැකීම් පමණක් කීවොත් නිවැරදිය. ගම්මානයක, කෘෂිකාර්මික වටපිටාවක විඳිනා සෑම අත්දැකීමක්ම පාහේ විඳගැනීමට මට හැකියාව ලැබුණි. සමහර අත්දැකීම් ඒ කාලයේ හැටියට තරමක රලු  කර්කෂ ලෙසකින් දැනුනද අද අතීතය ස්මරණය කරමින් සිනාසීමට හේතු සාධක සපයා දෙන්නේ එම අත්දැකීම්ය.


 ගිනි තැපීම
සීතකරයි උඳුවප් මහ දුරැත්තේ .... යනුවෙන් මා කුඩා කල ඇසූ කවියක මුල් පදය මට මතක ඇත. මේ කවියේ සඳහන් ආකාරයටම දෙසැම්බර් සහ ජනවාරි මාස අධික ශීත කාලගුණයක් සහිත කාලයක් විය. අපේ නිවස  පැවතියේ තුන් පැත්තකින් වෙල් යායකට මායිමවය. වෙලත් අපේ ඉඩමත් අතරින් ගලා බැස්සේ ඇල පාරවල් දෙකකි. දෙසැම්බර් ජනවාරි කාලයේ උදයට මේ ඇලවල්වලට බැසීම අයිස් ඇලකට බසිනවා වැනි වැඩකි. ගමේ අවසන් කෙලවර වූයේ අපේ වත්තයි. ඉන් පසුව පැවතියේ කිලෝ මීටර් ගණනාවක් ඈතට දිවෙන වෙල් යායකි. වෙල් යාය දෙපැත්තේ අක්කර සිය ගනනක පොල් වතුය.

දෙසැම්බර් - ජනවාරි කාලයේදී වෙල් යාය පුරා උදේ පාන්දරට මීදුම සේ පැතිර පවතින පින්නත්, දවාලට නත්තල් කුණාටු වශයෙන් හඳුන්වන හිම වැස්සක් වැනි පොද වැස්සත් ඇති කරනුයේ නිදාගැනීමට උනන්දු කරවන කම්මැලිකමකි. මෙම කාලය කුඩා අපට සුන්දර අත්දැකීම් එක්කල කාලයක් විය. පාසැල් නිවාඩු දෙන මේ කාලයේ කොස් ගස් සහ දෙල් ගස්වලින් වැටෙනා කොල සවසට අතුගා ගොඩවල් ගැසීම අපේ සිරිතයි. එම කාලයට උදේ පාන්දරට ඇතිවන අධික ශීතලෙන් බේරීමට පාන්දර 5.30 පමණ අවදි වී එම රොඩු ගොඩවල්වලට ගිනි තබා වටේට ඉඳගෙන සීතතැපීම අපේ පුරැද්ද විය.  සමහරවිට  වැඩිහිටි පිරිමි සහ වයසක උදවියද මෙයට එකතුවෙති. අම්මලා තේ ටිකද මෙතනටම ගෙනැවිත් දෙයි. සමහරවිට මේ ගිනි ගොඩට අපි අවටින් අහුලාගතහැකි කොස් ඇට හෝ කජු ඇට දමා පුලුස්සා කන අවස්ථාද ඇත. කථා කියමින් සිසෙමින් ගෙවූ එම අවස්ථාවන් අද මට සිහි ගන්වන්නේ ගොඩ් මස්ට් බී ක්‍රේසි චිත්‍රපටයේ එන අප්‍රිකානු ගෝත්‍රික ජීවිතයයි. අද කාලයේ නම් අපේ දරැවෙකුට වුවද අපි ගිනි ගොඩක් ලඟට තබා ගෑස් ලිප අසලටවත් යන්නට දෙන්නේ නැත. 

.........................................
 
පිවිසුම
 http://blogdharshakaya.blogspot.com/

Monday, July 11, 2016

කාලීන සිදුවීම තොරතුරු විවිධාංග සමග විචාර රැගත් අළුත් ශාස්ත්‍රීය බ්ලොග් එකක් " VIEW OF ASH "

ලංකාවේ තරම් විභාග තියෙන රටක් තවත් නැති තරම්. අපි ඒ තරම් විභාග වලට ආසයි කියන්නත් පුළුවන් එක අතකට ඒක වැරදිත් නෑ විභාගයක් කියන්නේ අභියෝගයක් ඒ අභියෝගයට මුහුණ දෙන විදිය අනුව මම මුදුනා කියලා පෙන්නන්න පුළුවන් අවස්ථාවක් සැලසෙනවා ජිවිතේ හැම වෙලවෙම මුදුනා වෙන්න හදන අපේ අයට එක අතකට ඒකත් පෙරළුන පිට හොදයි කියනවා වගේ හොදය. 

ඒත් ඒක ඇත්තටම එහෙමමද ? 5 ශිෂ්‍යත්වේ ලියන ළමයෙකුට ඒ විභාගය වදයක් වන අවස්ථා එමටයි. යංතං හරි පාස් උනොත් කණක් ඇහිලා ඉන්න පුළුවන් හැබැයි වැරදිලා හරි ෆේල් උනොත් මුළු ජීවිතේම ඉවරයි මූට පන යන්නේ බැණුම් අහලම එපාවෙලා. 

වාර විභාග අත හරිමුකෝ. 

එතකොට ඔලෙවල් කියලා වැඩක් නෑ ඩී අටක් නැත්නම් ඒ 10 ක් නැත්නං ගංවතුරට අහු උන ආනාථයෙක් වගේ තමයි වැරදිලා හරි එස් එකක් ආවොත් 1 වසරේ ඉදන් ආපු ඉස්කොලෙත් නෑ. ඊලග ගේම ඒලෙවල් කරුමේ තමයි කොහොම හරි ඒලෙවල් කලාම හිතන්නේ ආයි විභාග නෑ කියලා. ඒත් කැම්පස් එකට ගියාම තමයි ඒලෙවල් මොනද ඒලෙවල් තව හොදයි කියලා. එහෙම ඉන්දිනම් හැමෝම හිතන්නේ රස්සාවකට ගියොත් මේ කරුම විභාග කෙරුවාව ඉවරයි කියලා. ඒත් අවු 4/5 ඉදලා රස්සාවකට ගියාම ඉස්සල්ලම කියන්නේ දෙමළ නැත්නම් වැටුප් වර්ධක නැ කියලා, ඊලගට කාර්යක්ෂමතා කඩයිම් විභාග ඒවා ලියලා පඩි හදාගත්තේ නැත්නම් කාලා බීලත් හමාරයි ඉගෙන ගත්ත සෙක්ෂන් එකෙන් ජොබක් සෙට් උනේ නැතිනම් ජොබට ඕනි කරන දැණුම ගන්න ගියාම තවත් විභාග මෙහෙම විභාග වලට ජීවිතය සින්න වෙද්දි තාමත් විභාග නැත්තේ වැඩ දෙකකට විතරයි කසාදෙටයි පැන්ෂන් යන එකටයි. හැබැයි කරුමට ඒවටත් විභාග එයිද කියලා හිතෙන වාර අනන්තයි. 

මේ විභාග ක්‍රමයට පිලියමක් ලෙස වෙනත් විසදුමක් හොයාගන්න බැරිනම් මේ විභාග කරන විදියවත් අඩුම ගානේ වෙනස් වෙන්න ඕනි. නැත්තං අනිත් උන්ට කෙසේ වෙතත් පැන්ෂන් යනකොට මටනං පිස්සු හැදෙයි ආයි දෙකක් නැ හොදටම ෂුවර්.
................................................

පිවිසුම
http://ashnihon.blogspot.com/ 

Sunday, July 10, 2016

තොරතුරු විවිධාංග සාහිත්‍යමය රසවින්දන සමගින් අළුත් විවිධාංග බ්ලොග් එකක් " සීමා මායිම් ඉක්මවා "

ඔබේ කරුණාවට ස්තූතියි


දහම සොයා..-අංක:-1
.................................
ඔබේ කරුණාවට ස්තූතියි ...
මා සංවේදනා සුසුම් අතරින් කාලයක් පුරාවට මහා ගිනි ජාලාවක් මැද තනිව කාලයක් ගෙවී ගිය බව මා පමනක්ම දනිමි...ඒ කුමන් නිසාදැයි මට නොතේරුම්කමක් නැත්තේම නැත.කෙතරම් එය පැවසූවත් හිතේ ගින්දර තව තවත් ඇවිලෙනවා මිසක්ක එය සිහිල් නෙවෙන නිසා මා මේ අවස්තාවේ එය මතක් නොකරමි.ලෝකයේ බොහෝ දේ සිදු වන්නේ අප නොසිතන දේවල්ය."අචින්ති තම්පි බවති චින්ති තම්පි විනස්සති"බුදුන් දෙසූ ඒ වදනට අනුවනම් සත්තකින්ම මා ජීවිතය අවබෝධ කරගන්නේ බුදු දහමට අනුවය.ලෝකය යම් තරමින් මා අල්වාගෙන එහි යම් යම් තැන් අවබෝධයකින් පසුවෙමි.සිත නිවන සැනසිල්ල පතා එකම එකම වතාවක් මා  බුදු දහම සොයා සංසාරයේ කී වතාවක්නම් ඇවිද ගොස් අත්ද?කියා මා නොදනිමි.නමුදු මේ ආත්ම භාවයේදී මම එය අවබෝධ කරගන්නට වෙහෙස වෙමි.යම් යම් උත්සහ දරමින් ලෝකයෙ පවතින් එකම දෙය එසේත් නැතිනම් පඨවි ,අපෝ, තේජෝ,වායෝ,නම් මහා භූතයන්ගේ එකතුව මා සොයමි.  තද ගතිය අලෙන සුළු බව මා දැන් මද පමනින් අවබෝධ කර ඇත්තෙමි.නමුත් මා සසරේ අතිර බව බොහෝ ලෙසින් දැනගෙන සිටිමි නමුත් අවබෝධ කර ගැනීමට යම් මැලි බවක් දක්වමි .එයට හේතුව වනු ඇත්තේ නිතැතින්ම මාගේ කෙළෙස් මාරයා නිසා වනු ඇතියි මට සිතේ .සසර ගමනේදී මට එය යම් තැනකදී එයද අවබෝධ කර ගැනීමට අපහසුතාවයක් නොවේ යැයි මා සිතමි.පෙර හුරුව ඇති බැවින් යම් තැනකදී එය මට අවබෝධ  වෙවි.ඉතින් සමිඳ මා වෙත කරුණා කලා ඔබ වහන්සේට කෘතවේදීත්වය පුද කරමි.
......
සිරිවිමල හිමි..
..............................................

පිවිසුම 
 

Friday, July 8, 2016

තොරතුරු විවිධාංග හා විචාර රැගත් අළුත්ම ශාස්ත්‍රීය බ්ලොග් පිටුවක් " සිතක සටහන් "

Limits of Love නොහොත් රිචඩ් ද සොයිසා ගැන රජීව විජේසිංහගේ සැමරුම

මීට වසර  නවයකට පමණ පෙර කුරුණෑගල ප්‍රකට පොත්හලකදී අහම්බෙන් මගේ නෙත ගැටුනේ රිචඩ් ද සොයිසාගේ මුහුණේ විශාල ඡා‍යාරූපයකින් යුතු කවරයක් සහිත පොතක් - කතුවරයා වූයේ මහාචාර්ය රජීව විජේසිංහ. 

රිචඩ් ද ‍සොයිසා සම්බන්ධයෙන් කරුණු දැනගැනීමේ කුතුහලය නිසාම එම නවකතාව මිලට ගත්තත් එහි පෙරවදනේම රජීව සඳහන් කරන්නේ නවකතා‍වේ ප්‍රධාන චරිතය රිචඩ් ද සොයිසා මත ගොඩනැගුනත් සැබවින්ම තවත් සත්‍ය චරිත කිහිපයක සංකලනයක් බවයි. මට පසුව වැටහුණු පරිදි රිචඩ් වැනිම රජීවගේ හොඳම මිතුරෙක් වූ ලංකාවේ ලිබරල් පක්ෂයේ ආරම්භකයා වූ චානක අමරතුංග ද මෙන්ම රජීව විජේසිංහද මේ චරිතය තුළ සිටිනවා ! 
........................................

පිවිසුම
http://sithsatahan.blogspot.com/

Tuesday, July 5, 2016

සන්නිවේදන හා තොරතුරු තාක්ෂණ දැනුම සමගින් එන අළුත් බ්ලොග් එකක් " සොඳුරු මතක "

speed meeter pro පාවිච්චි කරන ඩේටා ප්රමාණය නිවරදිව දැන ගනිමු

දිනකට ඔබ කොපමන ඩේටා ප්රමාණයක් පාවිච්චි කරනවද.සමහර විට ඔබ එය නොදන්නවා විය හැක.අද හදුන්වා දෙන මෙම ඇන්ඩ්රොයිඩ් ඇප් එක මගින් දිනකට පාවිච්චි කරන ඩේටා ප්රමාණය නිවරදිව ඔබට දැන ගත හැකිය.එසේම මසකට ඔබ විසින් වැයකරන  ඩේටා ප්රමාණයද ඉතාම පහසු ලෙස මින් බලා ගත හැකිය.මෙහි දත්ත භාවිතය අංශ දෙකක් යටතේ දක්වයි.ඒ mobile හා wi-fi ලෙසය.මෙම ඇප් එක playstor මගින් ඔබ ලබා ගන්නවනම් මුදල් ගෙවා ලබාගත යුතුය.නමුත්  මම ඔබට එය නොමිලයේ ලබා දෙමි.බා ගැනීමට පහල සබැඳිය භාවිතා කරන්න.ගැටලු ඇත්නම් කමෙන්ට් කරන්ඩ.

බාගැනීමට මෙතන ඔබන්න 
click here

මේ සම්බන්ද ගැටලු ඇත්නම් කමෙන්ට් කරන්ඩ

..................................................

පිවිසුම
http://dmshanaka.blogspot.com/ 


 

Monday, July 4, 2016

සාහිත්‍ය කලා රස වින්දනය සමගින් අළුත් බ්ලොග් පිටුවක් " ගල්බෝරේ "

එපමණයි ඔබහට කීමට ඇත්තේ මාහට...









හිඳී නම් මා නෙතු අවදියෙන් 
ඔබ මගේ ඇස්දෙකේ පැටලි පැටලී ඉන්න 
හිඳී නම් මා නිදිවැදී 
ඔබ මගේ හීනයේ දැවටි දැවටී ඉන්න 
එපමණයි ඔබහට 
කීමට ඇත්තේ මාහට.

සීත වැහි බිඳු ඇවිත් ඔය කම්මුල් තෙමයි නම් 
ඒ බිඳුවල සැඟවී ඉන්නේ මමයි 
උණුසුම් හිරු කිරණ විත් ඔබට කරදර කරයි නම් 
ඒ කිරණේ සැඟවී ඉන්නේ මමයි 
මා කොහේ සිටියත් නැතත් 
ඔය හිතේ කොහේ හෝ අඳුුරු මුල්ලක් දෙන්න 
එපමණයි ඔබහට 
කීමට ඇත්තේ මාහට. 
...............................

පිවිසුම
http://galbooree.blogspot.com/